NGARAKSA KASALAMETAN MANUSA
KHUTBAH KAHIJI
إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا
مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,
أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.
وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.
اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،
أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ،
اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.
قَالَ اللهُ تَعَالَى :
وَمَنْ يَّتَّقِ اللّٰهَ يَجْعَلْ لَّهٗ مَخْرَجًا ۙ
وَّيَرْزُقْهُ مِنْ حَيْثُ لَا يَحْتَسِبُۗ
“Jeung singsaha jalma anu takwa ka Alloh tanwandé Mantena bakal nuduhkeun pikeun manéhna jalan kaluar. Jeung méré rezeki tina jalan anu teu disangka-sangka”. (TQS at-Tolaq [65]: 2-3)
Alhamdulillah, puji syukur urang sanggakeun ke hadirat Alloh SWT tina limpahan rohmat sinareng barokah-Na ka urang sadaya, sahingga dina dintenan anu mulya ieu, urang sadayana tiasa ngempel deui di tempat anu mulya, sasarengan sareng jalmi-jalmi anu insyaAlloh mulya. Sholawat miwah salam mudah-mudahan salamina dilimpahkeun ku Alloh ka panutan urang Nabi SAW, utusan Alloh, anu nyandak khobar pikabungaheun sarta jalan anu mabra caang pikeun umat manusa. Teu hilap ka kulawargina, para shohabatna sareng sadaya umatna anu ta’at kana ajaran Mantena.
Prak geura takwa aranjeun ka Alloh. Saéstuna ngan ku takwa, Alloh bakal nulungan ka urang sadaya.
وَمَنْ يَّتَّقِ اللّٰهَ يَجْعَلْ لَّهٗ مَخْرَجًا ۙ
وَّيَرْزُقْهُ مِنْ حَيْثُ لَا يَحْتَسِبُۗ
“Jeung singsaha jalma anu takwa ka Alloh tanwandé Mantena bakal nuduhkeun pikeun manéhna jalan kaluar. Jeung méré rezeki tina jalan anu teu disangka-sangka”. (TQS at-Tolaq [65]: 2-3)
Hadirin jama’ah jum’ah rohimakumulloh,
Hayu urang deukeutkeun diri urang ka Alloh dina waktu pandemi anu acan kénéh lekasan. Nyuhunkeun ampunan ka Mantena tina sanéskanten kasalahan urang sadaya, naha urang salaku pribadi, masyarakat, ogé nagara. Mudah-mudahan Alloh maparinan pangapunten tina dosa-dosa urang. Aamiin.
Geus loba korban perlaya akibat Korona. Tapi sigana nagara acan kénéh ogé ngalakukeun perkara pikeun nyalametkeun nyawa manusa. Ékonomi anu jadi prioritas, dianggap leuwih utama. Naha bakal korban terus diantepkeun?
Hadirin jama’ah jum’ah rohimakumulloh,
Dina Islam, kasalametan nyawa manusa nyaéta anu pang utamana. Kusabab kitu Islam kacida pisan merhatikeunana dina ngaraksa nyawa manusa. Alloh SWT ngadawuh:
مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا
“Singsaha baé anu maéhan saurang manusa, lain kusabab éta jalma maéhan batur, atawa lain kusabab nyieun karuksakan di bumi, kaya-kaya manéhna geus maéhan sakabéh manusa. Sing saha baé anu miara kahirupan saurang manusa, kaya-kaya manéhna geus miara kahirupan manusa sakabéhna”. (TQS al-Maidah [5]: 32).
Nyakitu deui Nabi SAW ngadawuh:
»لَزَوَالُ الدُّنْيَا أَهْوَنُ عِنْدَ اللَّهِ مِنْ قَتْلِ رَجُلٍ مُسْلِمٍ«
“Saéstuna dunya ieu ancur leuih hampang di sagédéngeun Alloh tinimbang saurang Muslim anu dibunuh”. (HR an-Nasa’i, at-Tirmidzi al-Baihaqi).
Tah kusabab kitu, para ulama nempatkeun tarékah ngaraksa nyawa (hifzhu an-nafsi) nyaéta jadi salah sahiji tujuan syaré’at. Syaré’at ngawujudkeun hifzhu an-nafsi ku mangrupa rupa-rupa hukum, hukuman qishosh atawa diyat dina maéhan, diyat dina nyerang kana anggota awak, jeung sajabana. Ogé cegahan tina sagala hal anu matak nyababkeun dhoror (bahaya) sarta ngancam kasalametan naha pikeun dirina sorangan, jalma lian atwa masyarakat sacara umum.
Islam ogé nempatkeun ngaraksa kana harta (hifzhu al-mâl) dina posisi anu luhur. Ngaraksa kana harta kapamilikan nepika disajajarkeun jeung ngaraksa kana nyawa. Lamun salah saurang, pikeun mertahankeun hartana, nepika maot, manéhna diniléi syahid akhérat.
Hadirin jama’ah jum’ah rohimakumulloh,
Dina kaayaan normal, kadua maksud syaré’at éta, nyaéta ngaraksa kana nyawa jeung harta, bisa dilaksanakeun sacara babarengan. Tapi, dina kaayaan séjén, salahsahijina kudu diutamakeun tinimbang nu séjéna. Alloh SWT ngadawuh :
فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ
“Singsaha baé anu kapaksa (ngadahar anu haram), sawatara kitu manéhna teu hayang (ngadahar anu haram éta) sarta teu ogé ngaleuwihan wates, mangka teu aya dosa pikeun dirina”. (TQS al-Baqoroh [2]: 173).
Imam ath-Thobari dina kitab tafsirna, Jâmi’ al-Bayân, ngajelaskeun, “Singsahaning jalma anu tumiba darurat kalaparan nepika kapaksa ngadahar anu diharamkeun… mangka teu aya dosa pikeun dirina.”
Imam al-Qurthubi nyebutkeun, lamun jalma anu katibanan darurat téh manggihan bangké atawa ngadahar harta milik jalma séjén anu dijerona teu aya panyakitan, mangka manéhna teu halal ngadahar bangké, tapi meunang ngadahar dahareun bogana jalma lian. Teu aya perbédaan pamahaman dina perkara hal ieu (Imam Ibnu Katsir, Tafsîr al-Qur’ân al-‘Azhîm).
Sakabéhna ieu téh ngisyaratkeun yén lamun masalah ngaraksa kana nyawa sarta ngaraksa kana harta teu bisa dilaksanakeun sakaligus, mangka ngaraksa kana nyawa leuwih diutamakeun daripada ngaraksa kana harta.
Patokan ieu téh dina perkara individu atawa urusan masyarakat. Sumawona dina urusan masyarakat mah kudu leuwih diperhatikeun deui. Sababna, lamun anu kaancam nyaéta kalangsungan kahirupan sarta kasalametan masyarakat loba, tangtu akibatna bakal jauh leuwih gedé deui.
Kusabab kitu, nurutkeun Islam mah, teu meunang kasalametan nyawa dimomorékeun atawa dinomerduakeun pikeun kapentingan Pilkada misalna, atawa ékonomi. Nyawa manusa kudu disalametkeun. Lamun henteu, saha anu ngurus ieu negara bakal dipénta pertanggungjawabanana ku Alloh SWT.
[]
بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِن الآيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم
Khutbah II
اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا
أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلي وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.
عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
